Anuraidh ba as peil na mban a roghnaíodh na Underdogs don chéad uair, agus ba fíochmhar an troid idir iad féin agus Seaimpíní Chraobh na hÉireann i bPeil na mBan 2006, Corcaigh.

Tá seó spóirt réaltachta TG4 ar ais! Tar éis an suim ollmhór i ngníomhaíochtaí fhoireann peile na mban sa sraith dheireannach, tá na Underdogs ag lorg cúnamh ó scileanna bainistíocha na roghnaitheoirí Seán Ó Domhnaill (iar-imreoir lár-páirce le Gaillimh agus buaiteoir chraobh ceannais na hÉireann) agus Geraldine Feerick (réalt le foirne iomráiteacha Chontae na Gaillimhe agus Contae Mhaigh Eo i ndeireadh na 90í). Le chéile cuirfidh siad foireann láidir de pheileadóirí baineann le chéile agus ní bheidh ach 6 mhí acu le laochra domhanda a dhéanamh de thriocha pheileadóirí áitiúla. An dúshlán mór i mbliana: a dhul in adharca le foireann de shárimreoirí Nua Eabhrac thall san "Úll Mór".

Leis an sprioc ollmhór seo a bhaint amach, tá sciúradh déanta ag ár mbeirt roghnaitheoirí lánaimseartha ar fhad agus ar leithead na hÉireann (agus ar a gcuid leabhair seoltaí!) le teacht ar na haoí-roghnaitheoirí is fearr dá bhfuil ar fáil sa tír. Is iad Páidí Ó Sé, Jarlath Burns, Martin McHugh agus John O'Mahony roinnt de na hainmneacha iomráiteacha a thiocfaidh isteach chuile seachtain le comhairle a chur ar an bhfoireann. I dteanta a chéile tá súil acu buaiteoirí idirnáisiúnta a dhéanamh de thriocha stráinséirí.

Ach fiú leis na hainmneacha is mó sa ghnó, an féidir leis na Underdogs an beart a chur i gcrích?

Le haghaidh tuille eolais, cur glaoch ar Mark in Adare Productions ar 01-2843877 nó seol ríomhphost go dtí adare@eircom.net
Seasaigí amach ag an líne!


The Earley bird ... Geraldine Feerick in éindí le réalt mór eile caide, an Lieutenant Ghinearál Dermot Earley.